المشي السريع ولا الجري؟ مين اللي بيحرق دهون أكتر؟
الناس فاكرة إنها كل ما تجري أسرع وتنهج أكتر، كدة هي بتسيّح دهون.. بس الحقيقة العلمية مختلفة شوية، وعشان كدة لازم تفهم الفرق بين حرق 'الدهون' وحرق 'الجليكوجين'.
ليه المشي السريع هو الملك؟
المشي السريع (Power Walking) خصوصاً لو على مشاية وبزاوية ميل (Incline)، بيخلي جسمك في 'منطقة حرق الدهون' المثالية. في الوضع ده، الجسم بيقدر ياخد طاقته من الدهون المتخزنة مباشرة كصدر أساسي للطاقة.
الجري السريع جداً بيخلي الجسم ينهج ويحتاج طاقة فورية وسريعة، فبيضطر يسيب الدهون (لأن تكسيرها بياخد وقت) ويروح يحرق الجليكوجين (السكر المتخزن في العضلات).. فبتلاقي نفسك تعبت بسرعة وخسرت مخزون طاقة عضلاتك بدل ما تخسر الدهون اللي مضايقاك.
إزاي تطبقها صح؟
أفضل وسيلة لحرق الدهون بالكامل هي إنك تطلع على المشاية، تظبط زاوية الميل (Incline) على درجة عالية شوية، وتمشي مشي سريع ومنتظم.. كدة أنت بتجبر جسمك يفضل يحرق في الدهون طول فترة التمرين من غير ما تجهد عضلاتك بزيادة أو تحرق طاقتها الأساسية.
برنس.. جرب الطريقة دي وهتشوف فرق في شكل جسمك ونسبة الدهون في وقت قياسي!
