3 علامات لو عندك اتنين منهم يبقى الحرق عندك واقف
تلات علامات يقولك إن الحرق عندك واقف، لو عندك علامتين من اللي أنا هقولهم دلوقتي من التلاتة؛ فالحرق عندك واقف حتى لو بتعمل دايت. مشكلة ناس كتيرة مش في الأكل، المشكلة إن الجسم نفسه بطل يحرق.
العلامة الأولى: الجوع المستمر
الجوع بسرعة جداً بعد ساعة من الأكل، كأنك ما أكلتش خالص، ده معناته إيه؟ معناته إن جسمك معتمد على طاقة السكريات وصرف السكر عندك مش شغال.
العلامة الثانية: الخمول والنعاس بعد الوجبات
خمول ونعاس بعد ما بتاكل أي وجبة، تحس إنك كسلان، وخمان، عايز تنام، مش قادر تركز، مش قادر تقعد قعدة ساعتين على بعضك بعد ما بتاكل. ده كده اسمه أنسولين عالي حضرتك، مش بس عالي، هو علو الأنسولين فيه خطورة؟ لا، لو أنت عندك صرف السكر شغال الأنسولين يعلى ويرجع يوطى تاني، وحرق الدهون يرجع يشتغل تاني.
افتكر دايماً إن مصدر الطاقة سكر ودهون، الاتنين معاً، دي مصادر طاقة. بس بنرتب السكر الأول، مصدر رئيسي لإنتاج الطاقة، والدهون مصدر ثانوي بعد انخفاض السكر.
العلامة الثالثة: ثبات الوزن والكتلة الدهنية
وزنك ثابت مهما تعمل دايت، مش وزنك بس، الكتلة الدهنية، جسمك مش بيقسم، مش بينحت. لازم وأنت في نظام غذائي تحس إن جسمك بينحت كل أسبوع.
ومعدل النزول الطبيعي كل أسبوع، عشان بس عقلك ما يروحش لبعيد، هو من 300 جرام إلى كيلو كل أسبوع للأوزان اللي أقل من 110 كيلو أو 100 كيلو. لو قدامك 10 كيلو محتاج شهرين، شهرين ونص على برنامج اللو كارب.
نصيحة أخيرة لفهم جسمك
لا يهمني نزول الرقم، يهمني حرق الدهون ومقاساتك وراحة قولونك ونومك الجيد والطاقة والنشاط بعد ما بتاكل؛ لأن هدف النظام برنامج العداد هو إعادة ضبط حرق الدهون مرة أخرى وكمان حرق السكر يرجع مرة أخرى. فالمشكلة اللي عندك دي مشكلة حرق ومشكلة هرمونات مش مشكلة أكل بس.
قولي بقى في الكومنتات عندك كام علامة من التلاتة اللي أنا قلتها، وفي الفيديو الجاي هقولك أول تلات أيام تعمل فيهم إيه عشان ترجع حرق الدهون يشتغل من تاني وتصلح حرق السكر من تاني. أنا عايزك تفهم جسمك مش تحرم نفسك، فكل اللي عليك ابدأ افهم.
