البيض ولا البروتين.. مين اللي يكسب في فورمة الساحل؟
السؤال ده بيحير أي حد بيبدأ جيم أو حتى بقاله فترة: هل لازم أدفع مبلغ وقدره في علبة مكمل عشان أعمل عضلات، ولا الأكل الطبيعي كفاية؟ وعشان نجاوبك، عملنا مقارنة سريعة بين سكوب الواي بروتين و4 بيضات مسلوقين.
أولاً: كمية البروتين (التعادل)
لو بصينا على الأرقام، هنلاقي إن سكوب الواي بروتين بيديك حوالي 24 لـ 25 جرام بروتين. وفي الناحية التانية، الـ 4 بيضات بيدوك نفس الكمية بالظبط (حوالي 24 جرام بروتين). يعني من ناحية 'الكمية'، هما الاتنين زي بعض بالظبط.
ثانياً: حسبة الجيب (البيض يكتسح)
هنا بقى الصدمة! بأسعار النهاردة، علبة البروتين لو بـ 1800 جنيه مثلاً، هتلاقي السكوب واقف عليك بـ 60 جنيه. لكن الـ 4 بيضات هيكلفوك حوالي 25 جنيه بس. يعني بتدفع أقل من نص التمن وبتاخد نفس كمية البروتين.. توفير يخليك تجيب مكملات تانية بفرق السعر!
ثالثاً: مين بيبني عضلات أحسن؟ (الامتصاص)
مش العبرة باللي بيدخل بقك، العبرة باللي جسمك بيمتصه. الدراسات بتقول إن البيض جسمك بيمتصه بنسبة 48% وبيوجهه مباشرة للبناء العضلي. أما الواي بروتين، فنسبة امتصاصه للبناء العضلي بتتراوح من 30% لـ 40%. يعني البيض مش بس أرخص، ده كمان جودته في بناء العضلات أعلى.
الزتونة.. تشتري مكمل ولا لأ؟
يا بطل، المكملات معمولة عشان 'تكمل' يومك لو مش قادر تاكل، لكن لو تقدر توفر احتياجك من الأكل الطبيعي زي البيض، فإنت كسبان من كل الجهات:
- توفير فلوس: هتحافظ على ميزانيتك.
- جودة أعلى: امتصاص أحسن وبناء عضلي أقوى.
- صحة عامة: البيض فيه فيتامينات ومعادن مش موجودة في البودرة.
فكر صح قبل ما تصرف فلوسك، وخليك دايماً مع الأكل الطبيعي طول ما تقدر. وعاش يا وحش!
لو محتاج تعرف توزع وجباتك ازاي طول اليوم، ابعت لنا على الواتساب وما تترددش!